Leseproben aus Morgenschtean U70-71
kuchlphysik
in da frua
trink i mein gaukau
oder a an kaffee
mit koida mülch
långsam übarei.ens es
de diseina
dåss da ausguss
bei de getränkepackerln
hint weiter sein muass
åls vurn
damits net
ruckweis ausseplätschert
(...)
***
hinta da Wea
hinta da Wea hot di Tollkeaschnfraln
den leantign Keaschnschnops schon gebrennt
und vom Schlonganbichl oba
zaart di Sondvipa in giftign Spal
da Weißdurn holtat lei mear
di Spitz in di Hea
und di Hearbstsunn brotat
(...)
***
windzaubara
mir san lei de wollfohra auf da eigenen spur
wispan, voll von schwere tram
de berg knian do, blau und schluchzat
und dos durf saugt am euta von de bäch
(…)
***
Haas is’s
Bei uns haums jetzt Baam aufgstöt. Na, net eipflaunzt. Aufgstöt. In Kiwen. De soin »die Strasse kühlen«, haums gsogt. Drei Wochn laung. Daun foans weida. De Baam. In d’näxte Gosn. Wengan Klimawaundl warats, haums gsogt. Wäu in da Stodt wiads imma wäama, do brauch ma mea Baam. Gscheida warats jo, waun ma s’ in d’ Ead setzat. Und steh lossat. Stott dos ma s’ umanaundaschiabt mitn Traktoa. Owa do gangatn hoit a poa Pakplätz drauf. Und des kaunst net mochn, wegn de Leit in dera neichn Siedlung. De woin eanare SUVs jo a irgndwohi stön.
Haas is’s. (...)
Hinweis: Alle Texte sind urheberrechtlich geschützt. Die Rechte liegen bei den Autor*innen.
